Kategoria: Euskaraldia

-(e)an bidalia

Euskaraldiaren aurkezpena Oreretan

Aurkeztu da Euskaraldiaren 4. edizioa Errenteria/Oreretan: 11 eguneko ariketa soziala datorren maiatzaren 15ean hasi eta 25ean amaituko da. Aurtengo berritasunak ere aurkeztu dira; horien artean, aurten oreretarrek Euskaraldia Hikan parte hartzeko aukera izango dute.

Herritar ugarirekin batera, herriko entitate eta elkarteak batu dira aurkezpenera. Ekitaldia Julen Olaizolaren bertsoekin hasi da. Ondoren Naroa Iturrik eta Naroa Etxeberriak zuzendu dute ekitaldia. Aurtengo Hamaikakoa ere aurkeztu da, euskal hiztunen komunitatearen aniztasuna irudikatu duena: etxean euskara transmititu zaien hiztunak, euskara eskolan ikasi dutenak eta euskara urrun duten giza taldeetan sortutako euskaldunak. Herri Arte Eskolako dantzariek ere hartu dute parte. Dantzariek Hamaikakoari agurra dantzatu diete, eta ondoren giro paregabean hainbat mokaduz gozatu dute hurbildutakoek.

Norbanakoen izena ematea gaur zabaldu da. Nahiz eta beste urteetan izena eman, aurten berriro ere eman behar da. Parte hartu Euskaraldian!

Izena emateko: https://euskaraldia.eus/

-(e)an bidalia

Euskaraldiaren aurkezpen ekitaldia ostiral honetan egingo da!

Euskaraldiaren 4. edizioa badator! Hori aurkezteko ostiralean, martxoaren 14ean, aurkezpen ekitaldia egingo da. Arratsaldeko 18:00tan hasiko da, Foru Plazan edo Merkatuzar eraikinean, eguraldiaren arabera. Bertan, Euskaraldia aurkeztuko da, Oreretako aurtengo hamaikakoa eta luntx bat ere egongo da.

Aurtengo Euskaraldia maiatzaren 15ean hasi eta 25 arte izango da. Egun horietan zehar hainbat ekimen desberdin egingo dira, eta hasi arte ere. Horiei buruz informazio gehiago jasotzeko, Whatsapp kanal bat sortu da, izena emateko hemen uzten dizuegu linka.

https://labur.eus/euskaraldia2025errenteriaorereta

-(e)an bidalia

Euskaraldia Oarsoaldeko Hitza-n

Oarsoaldeako Hitzak Euskaraldiko Herri Batzordeari buruzko egindako bideoa

Badator Euskaraldia! Aurten maiatzaren 15etik 25era izango da. Aurtengo edizioak, udaberrian izateaz gain, hainbat berritasun ekarriko ditu. Horiei buruz aritu da Euskaraldiko Koordinatzaile Naroa Etxeberria Oarsoaldeko Hitza-rekin hitz egiten.

Lehen berritasuna data dela dio. Aurten udaberrian egingo da, beste edizioetan ez bezala. Beraz eguraldiak lagunduz gero Euskara plazaratzea askoz errazagoa izango dela esan dio komunikabideari.

Herri Batzordeari buruz ere aritu da. Herri Batzordean hainbat entitate eta norbanako gerturatu dira. Denak oso gogotsu euskaraldia bultzatzearen alde. Denek buruan darabilte Euskaraldia sustatzeko ekintzaren bat buruan, kirol ekintzetatik hasita, auzoko jaietako parte hartzerarte.

Euskaraldiko figurei buruz ere aritu da mintzoan. Bi aldaketa nagusi azpimarratu ditu, hitanoa eta hirugarren figura berri bat. Hirugarren figura hau euskara urrun dutenentzat izango da, eta euskaraz aritzeko baliabideak hurbiltzea eta ematea izango du helburu.

Elkarrizketa osoa Hitza-n dago irakurgai.

-(e)an bidalia

Euskaraldiko Herri Batzordea bildu da

Euskaraldiko Herri Batzordearen lehen bilera, Lau Haizetarako egoitzan

Aurtengo Euskaraldia maiatzaren 15etik 25era izango da. Hori antolatzeko Naroa Etxeberria, Euskaraldiaren koordinatzaila, buru belarri dabil. Baina ez dago bakarrik, hainbat eragilek eta norbanakok lagunduko diote bidean.

Atzo, urtarrilak 30, 19:00etan elkartu zen aurtengo herri batzordea. Hibaika arraun elkarteak, Lau Haizetara Euskaldunon Elkartea, Xenpelar AEK, Orereta Ikastola, Iñaki Pikabea, Ereintza Dantza Taldea, Udal Hezkuntza Politika Saila, Kaputxinoetako Auzo Elkartea, Oreretako Rugbi taldea, Touring Kirol Elkartea, Ereintza Eskubaloia, Idoia Ibarguren eta Oarso Bolei taldea elkartu ziren.

Lehenengo aurtengo aldaketak azaldu ziren, horien artean, hirugarren figura euskaratik urrun baina euskararen aldea dagoen pertsonaren figura. Hainbat gai jorratu ziren, horien artean Oreretako Hamaikakoaren partaideak.

Hurrengo bilera otsailaren 20an egingo dute 18:30etan. Bertaratu nahi duen edonor ongietorrita dago, izan norbanakoa edo eragilea.

-(e)an bidalia

Herri bazkaria

Herri bazkaria antolatu du Euskaraldia-ren herri batzordeak Euskararen Nazioarteko Egunaren harira. Bazkariko txartelak salgai jarrita daude LauHaizetara-n eta Sindikato eta Arkaitza tabernetan.

-(e)an bidalia

Euskaraldiako identifikagarriak

Euskaraldiko identifikagarriak (txapak) eskura dituzte ariketan izena eman dutenek. Izena eman gabe daudenek oraindik badute izena emateko aukera, txapa jasotzeko tokian edo interneten (izenematea.euskaraldia.eus). Etorri zure txaparen bila!
#HitzezEkitekoGaraia

-(e)an bidalia

Bertso afaria

Euskaraldia girotze aldera, bertso afaria antolatu du Niessen elkarteak. Janaren bueltan, bertsoez gozatzeko aukera dotorea. Dagoeneko, afarirako sarrerak salgai daude.

-(e)an bidalia

Euskaraldia

Kaleratu da Euskaraldia. Komertzio eta elkarteei ariguneak sortuz euskararen sustapenean laguntzeko gonbita egin ondoren, orain herritarrei hizkuntza arau berriak hartzeko deia egingo zaie, esaterako lehen hitza euskaraz eginez. Eman izena Euskaraldian!

-(e)an bidalia

Euskaraldia

Euskaraldia aurkeztu du Kike Amonarrizek, hizkuntza ohituren arau sozial berriak gureganatu eta erabiltzeko ariketa. Euskaraz egiten dugunon eta ulertzen dugunon arteko elkarrekintza. Udazkenean ahobiziak, belarriprestak eta ariguneak aktibatuko ditugu. Hitzez ekiteko garaia!
-(e)an bidalia

Euskaraldia

Korrikaren ondoren, Euskaraldia prestatzeko lanetan hasiko gara, herritarrek eta entitateek hizkuntza ohitura berriak hartzeko ariketa sozialari begira. Apirilaren 28an, ostegunean, Merkatuzarren Kike Amonarrizek Euskaraldia aurkeztuko du 19:00etan, Eriz magoak lagunduta.