Zer da Familian Jolasean?

Egitasmo honetan, astean bitan herriko bi puntu ezberdinetara joaten gara 17:30etatik 19:00etara. Asteartetan Koldo Mitxelena plazan egoten gara (euria eginez gero Reina aretoan) eta ostiraletan, ordea, Markolako Koldo Mitxelena ikastetxeko patioan (euria eginez gero, ikastetxeko gimnasioan). Bertan, hainbat jolas ezberdin egiten ditugu familiekin, eta noski, une oro euskara da erabiltzen dugun hizkuntza.

Familientzat dibertigarri zein aberasgarria den proiektua da. Izan ere, jolasen bidez ongi pasatzeaz gain, haur eta helduen arteko, zein familien arteko harremana eta elkarkidetza sustatzen baitu.

Nola eman izena?

Proiektuan parte hartzeko, gazteriako webgunean, Familian Jolasean-en atalaren barneko formularioa bete behar da.

Formularioaren esteka: https://gazteria.errenteria.eus/izena-ematea/

Ordaindu behar dut?

Familian Jolasean egitasmoa guztiz doakoa da.