Zer da kuadrilategi?

Kuadrillategi euskarazko aisialdia bultzatzen duen proiektua da, eta 12-16 urte bitarteko gazteei zuzenduta dago. Ostiraletan eramaten da aurrera, 18:00-20:00 ordutegian (batzuetan ekintzaren arabera lehenago hasi edota beranduago bukatu daiteke). Bi ordu horietan euskararen erabilera bultzatzeko ekintza ezberdinak burutzen dira. Helburua nerabeen artean euskara sustatzea da, eskolako orduetatik at eta euskara hutsean gauzatzen diren aisialdi jardueren bitartez. Betiere, balore hezitzaileetan oinarrituta. 

Aldi berean, eremu pribatuan euskara sustatzeaz gain, talde barruko hizkuntza euskara duten lagun taldeak osatzea lortu nahi da. Kuadrila baita hizkuntza ohiturak sendotu eta sustatzeko esparrurik egokiena.

Nola eman izena?

https://gazteria.errenteria.eus/project/kuadrilategi/

Informazio gehiago: Gazteria sailarekin harremanetan jar daiteke, gazteria@errenteria.eus helbide elektronikora idatziz, 943 44 96 06 telefonora deituz edo gazteria.errenteria.eus web orrian.

Ordaindu behar dut?

Kuadrilategi egitasmoa guztiz doakoa da.