Kategoria: Berriak

-(e)an bidalia

Errigorako produktuak erosgai

Hasia da Errigoraren Eskutik Eskura kanpaina, Nafarroa hegoalde eta erdialdeko baratzeko produktuak Euskal Herriko plazara ekarri nahi dituena. Martxoaren 10etik 26ra oliba olio birjina estra eta nekazaritzako beste produktu batzuk erosi ahal izango dituzue ekoizlearen jatorrizko prezioan eta euskaraz etiketatuta.

Lau Haizetarak babestu egiten du Aukerak Sortzen ekimenak bideratutako elikadura burujabetza, hau da, Euskal Herrian kontsumitzen ditugun elikagaiak hemen ekoiztuak izateaz gain, elikagaien ziklo guztiaren gaineko (ekoizpena, banaketa eta kontsumoa) erabakimena ere herriaren eskuetan egotea. Horretarako, ekoizle nahiz kontsumitzaileen parte eta kontzientzia hartzea ezinbestekoak dira. Bide hori sustatuz, denon komunitate osoaren (ekoizle zein kontsumitzaileen) zaintza helburu nagusi bilakatzen da.

Oharra: “Lau Haizetara, Merkatuzarren” aukeratu behar duzu, bertan eskaera jasotzeko.

-(e)an bidalia

Euskaraldiaren aurkezpen ekitaldia ostiral honetan egingo da!

Euskaraldiaren 4. edizioa badator! Hori aurkezteko ostiralean, martxoaren 14ean, aurkezpen ekitaldia egingo da. Arratsaldeko 18:00tan hasiko da, Foru Plazan edo Merkatuzar eraikinean, eguraldiaren arabera. Bertan, Euskaraldia aurkeztuko da, Oreretako aurtengo hamaikakoa eta luntx bat ere egongo da.

Aurtengo Euskaraldia maiatzaren 15ean hasi eta 25 arte izango da. Egun horietan zehar hainbat ekimen desberdin egingo dira, eta hasi arte ere. Horiei buruz informazio gehiago jasotzeko, Whatsapp kanal bat sortu da, izena emateko hemen uzten dizuegu linka.

https://labur.eus/euskaraldia2025errenteriaorereta

-(e)an bidalia

Martxoak 8ko kantujira

Emakumeen Nazioarteko Egunean, munduan zehar milioika emakumeontzat berdintasuna, eskubideak eta justizia aldarrikatzeko asmoekin bat egin zuen Lau Haizetararen Kantu Jirak ere.

-(e)an bidalia

Errenteria 2040 gogoeta prozesua abiatu du Errenteriako udalak

Atzo 18:00etan hasi zen gogoeta prozesua. Bertan, hurrengo 15 urteei begira gure herriari zer eskatzen diogun planteatu zitzaigun. Hainbat gogoeta desberdin atera ziren, horien artean etxebizitzen prezioa, elkarbizitza eta beste hainbat gai atera ziren.

Aukera paregabea da datozen hamabost urteetan euskal hiztunen komunitatea eta haren beharrak nolakoak izango diren identifikatzeko. Eta erantzun publiko-komunitario bat emateko. Gogoeta hau aurrera eramateko hainbat data berri ere badaude, hurrengoa Martxoaren 18an izango da Reina Aretoan.

-(e)an bidalia

Kantujiraren hurrengo saioa martxoaren 8an

Larunbatean, martxoaren 8an, egingo da kantujiraren hurrengo saioa. Ohi bezala 12:00etan hasiko da eta 13:15ak aldera bukatuko da. Taldea herriko enparantzan elkartuko da. Ondoren Biteri kalera joango dira, handik Xabier Olaskoagoa plazara, ondoren Foru Plazara eta azkenik herriko enparantzara itzuliko dira.

Ekimenean 50-60 pertsona elkartu ohi dira. Batzuetan herriko trikitilariekin lagunduta edota txistulariekin lagunduta. Hori bai udaletxean beste ekimen batekin koinzidituz gero, leku aldaketak gerta daitezke, baina ez da honelakorik espero.

-(e)an bidalia

Laburbira badator Oreretara!

Laburbira, euskarazko film laburren zirkuitu ibiltaria, martxoaren 7tik apirilaren 11a egingo da. Oreretan zehazki martxoaren 12an, asteazkenean, Niessen Aretoan izango da. Bi saio egingo dira, bata goizez eta beste arratsaldez. Goizeko saioa 9:30etan hasiko da eta 11:00etan amaituko da. Arratsaldekoa berriz, 18:00etan hasiko da eta 19:30ak aldera amaitu.

Hainbat film labur ikusteko aukera izango dugu, Ekain Martinezen Prosopagnosia, Sonia Estevezen Plazer bat, Eneko Sagardoyren Betiko Gaua, Ekain Irigoienen Europa, Pentsatzen Dut Karmele Mitxelenarena, Jone Arriolaren Hor Konpon, Nerea Ayalaren, Patricia Fañanásen David Modroñoren eta Iraia Yartoren Goodbye Kepler eta azkenik Utlandsk Alba Lozanorena.

-(e)an bidalia

Familia Jolasean HAMA Tailerra

Hilabetero lez, hurrengo asteko larunbatean Familian Jolaseaneko saio berezia egongo da. Hil honetan Hama tailerra izango da. Arratsaldeko 16:30etan hasiko da eta 18:30etan amaituko da. Jose Luis Caso aretoan izango da. Merkatu Zahar eraikinean hain zuzen, izena emateko azken eguna astebete barru izang da, hau da otsailaren 19an. Izena emateko sartu hurrengo linkean:

https://gazteria.errenteria-udala.eus

-(e)an bidalia

Hasi da Mintzapraktikan izena emateko bigarren kanpaina!

2024-2025 ikasturteko kartela

Mintzapraktika oso ekimen interesgarria, baliogarria eta lagungarria da. Bertan ahozko euskara praktikatu nahi duten 5 edota 6 pertsona biltzen dira. Ez daude bakarrik ordea, bidelagun batek, euskaldun zahar batek edota euskara maila altua duen batek, laguntzen die. Praktika hau astean behin izaten da, ordu betez edo ordu t’erdiz. Helburua euskaran jariotasun eta euskara praktikatzea da, gune eroso bat baliatuz. Ordutxo hori lagun giroan igarotzen du taldeak, akatsak egiteko leku bat da, eta hori gutxi balitz pertsona berriak ezagutzeko beste modu bat ere bada.

Guztiz doakoa den egitasmo bat da, zure ordutegira egokitzen dena. Hau da, izena ematerako orduan, egokien datorkizun orduei buruz galdetuko zaizu eta horren arabera egokitzen da taldea. Momentu honetan mintzalaguntzaileen faltan gaude, beraz euskaldun zaharra, euskara maila altua edota euskarari laguntzeko anima zaitez! Izena emateko Lau Haizetara elkartera bisitatxo egin dezakezu astearte eta ostegunetan 18:00-20:00, izena emateko edota edozein zalantza argitzeko. Bestela deitu 613 25 49 04 telefonora!

-(e)an bidalia

Euskaraldiko Herri Batzordea bildu da

Euskaraldiko Herri Batzordearen lehen bilera, Lau Haizetarako egoitzan

Aurtengo Euskaraldia maiatzaren 15etik 25era izango da. Hori antolatzeko Naroa Etxeberria, Euskaraldiaren koordinatzaila, buru belarri dabil. Baina ez dago bakarrik, hainbat eragilek eta norbanakok lagunduko diote bidean.

Atzo, urtarrilak 30, 19:00etan elkartu zen aurtengo herri batzordea. Hibaika arraun elkarteak, Lau Haizetara Euskaldunon Elkartea, Xenpelar AEK, Orereta Ikastola, Iñaki Pikabea, Ereintza Dantza Taldea, Udal Hezkuntza Politika Saila, Kaputxinoetako Auzo Elkartea, Oreretako Rugbi taldea, Touring Kirol Elkartea, Ereintza Eskubaloia, Idoia Ibarguren eta Oarso Bolei taldea elkartu ziren.

Lehenengo aurtengo aldaketak azaldu ziren, horien artean, hirugarren figura euskaratik urrun baina euskararen aldea dagoen pertsonaren figura. Hainbat gai jorratu ziren, horien artean Oreretako Hamaikakoaren partaideak.

Hurrengo bilera otsailaren 20an egingo dute 18:30etan. Bertaratu nahi duen edonor ongietorrita dago, izan norbanakoa edo eragilea.

-(e)an bidalia

Atzo Taupa mugimenduaren Taupada jardunaldian egon ginen

Xabier Harluxet, BIZI mugimenduko partaidea

Atzo, 2025eko urtarrilaren 30ean Lau Haizetararen kideok “Taupada” jardunaldian egon ginen. Hainbat hitzaldi interesgarri jaso genituen adituen partetik.

Goizeko 10:00etan hasi Jon Zabala Arando, gizarte psikologiako doktoregaia eta EHUko kultura , kognizioa eta emozioa ikertaldeko kidea. Doktoregaia bilkura kolektiboen eta batasun emozionalaren eragina gizartearen ongizateari buruz aritu zen. Hainbat gauza ikasi genituen baina horien artean, poteoan ibiltzea gizabanakoarentzat ona zenarekin gelditu ginen batez ere.

Zabalaren hitzaldiaren ostean, irakaslegaiei buruzko solasaldia jaso genuen Huheziko Letizia Garcia eta Enertiz Garroren partetik. Eskoriatzako kanpusean dira irakasle hizlari hauek. Bertako ikasleak euskararen eragile aktibo bihurtzeko egindako esperimentuari buruz ibili ziren, oso modu entretenigarrian eta interesgarrian.

Horren ostean, 11:25etan zehazki, Xabier Harluxet , BIZI mugimeduko partaidea, klima-aldaketaren eta injustizia sozialaren aitzinean herritarrak aktibatzeari buruz solastu zuen. Horrekin batera hainbat liburuxka banatu zizkigun BIZI mugimendua zer den ikas dezagun, eta egia esateko oso mugimendu interesgarria dirudi.

Eguerdia heltzean, atsedenerako ordua iritsi zen. Hainbat patata tortila pintxoz eta beste hainbat pasteltxoz gozatu genuen. Atsedena amaituta Igor Ahedo, EHUko Parte Hartuz ikerketa taldeko partaidearen txanda iritsi zen. Bere txandan, gaur egungo gizartea aktibatzeko hainbat gomendio eman zizkigun.

Azkenik, aurreko hizlari batzuekin eta berri batzuekin osatutako mahai ingurua entzun genuen. Hainbat galdera desberdin erantzun zituzten partaideek, hainbat ikuspuntu desberdin azalduz.

Jardunaldia amaitzean Oreretara itzuli ginen arratsaldean beste hitzordu bat genuelako