Kategoria: Berriak

-(e)an bidalia

Liburu aurkezpen ekitaldia

Joan den asteko 24an, Idoia Fraile errenteriarrak bere lehen eleberria aurkeztu zuen: Arranoaren luma. Aurkezpena berezia izan zen, izan ere, Maddi Oihenart barkoxtarraren kantuek girotu zuten saioa. Ekitaldia interesgarria eta dotorea izan zen. Bertaratutakoek aukera izan zuten bai Idoiaren liburua bai Maddiren diskoa erosteko (erosi hemen eta hor).

Arranoaren luma eleberriak askatasunaren, identitatearen eta barne indarraren bila doan bidaia hunkigarria kontatzen du; aldi berean, emakumeek jasaten dituzten egoera bidegabeak ere modu sentiberan eta ausartean jorratzen ditu.

Egun hartako bero handia zela eta, saioa Reina udal aretora eraman genuen, denok erosoago egon gintezen.

-(e)an bidalia

Hika bertso poteoa ostegunean

Azken hilabeteotan hika ikastaroa antolatu dugu Lau Haizetaran Xenpelar AEK-ren laguntzaz. Ikastaroa amaitu, eta ondoren, hikari buruzko solasaldiak antolatu genituen, eta orain zikloa amaitzeko hika bertso poteoa antolatu dugu.

Bertso poteoan Oihana Iguaran eta Iñigo Manzizidor “Mantxi” bertsolariak izango ditugu. Bertso poteoa ekainaren 25ean izango da, 18:00etan Zumardian, eta ondoren herriko tabernetan zehar ibiliko da. Hika praktikatu nahi izanez gero, edota bertso saioaz gozatu nahi izanez gero, anima hadi!

-(e)an bidalia

Liburu aurkezpen-ekitaldia

Idoia Fraile herriko idazleak bere lehen eleberria aurkeztuko du: “Arranoaren Luma”. XIX. mendean Zuberoan indarrez ezkontzera behartutako emakume baten istorio hunkigarria kontatzen du liburuak.

Aurkezpenarekin batera, Maddi Oihenart abeslariaren kantu edonorekin gozatzeko aukera bikaina izango dugu.

  • Data: Ekainak 24, asteazkena
  • Ordutegia: 19:00
  • Tokia: Lau Haizetararen egoitza (Madalen kaleko anitzeko gela, 3. solairua)
  • Sarrera: Doan (lekuak bete arte)

Zatoz herriko kultura babestera eta gozatu literaturaz zein musikaz giro hurbilean!

-(e)an bidalia

Hika solasaldiak, hitanoaren erabilera bultzatzeko esperientziak

Lau Haizetara elkarteak Hika solasaldiak antolatu ditu ekainaren 4an eta 11n, hitanoaren inguruko hainbat gai jorratzeko asmoz. Hitzaldiak herritar guztiei zuzenduta daude eta sarrera librea izango dute.

Lehenengo saioa ekainaren 4an egingo da, Badalab-en. Bertan, Idoia Etxeberriak Hitanoa berreskuratzeko esperientziak izeneko hitzaldia eskainiko du. Bigarren saioa, berriz, ekainaren 11n izango da Xenpelar etxean, eta Fernando Oiartzunek Noka galbidean eta baztertua egon da gaia landuko du.

Ekimen hau ikasturte honetan Errenteria-Oreretan martxan jarri diren Hikalaguna taldea eta Hika ikastaroa osatzera dator. Ikasturteari amaiera emateko, gainera, parte-hartzaileek Hika poteoa egingo dute ekainaren 25ean.

Lau Haizetara elkarteak herritarrak gonbidatu ditu hitanoaren erabilera eta transmisioaren inguruko gogoeta eta solasaldi hauetan parte hartzera.

-(e)an bidalia

Hika ikastaroa martxan da 12 parte-hartzailerekin


Hika ikastaroan parte hartzen ari diren ikasleak eta irakaslea, lehen saioaren ondoren gelan ateratako talde-argazkian.


Lau Haizetara elkarteak antolatutako egitasmoak hitanoaren erabilera sustatzea du helburu.

Pasa den ostegunean abiatu zen Hika ikastaroa, eta guztira 12 lagunek hartu dute parte lehen saioan. Lau Haizetara elkarteak antolatu du egitasmoa, Xenpelar AEK euskaltegiarekin elkarlanean, eta hitanoa ikasi eta praktikatzeko aukera eskainiko die parte-hartzaileei.

Ikastaroak bost saio praktiko izango ditu, bakoitza bi ordukoa. Saio horietan noka eta toka lantzea izango da ardatz nagusia, ikuspegi praktiko batetik: hika hitz egiteko oinarriak barneratu eta egunerokoan erabiltzeko tresnak eskaintzea da helburua.

Saio praktikoez gain, bi solasaldi ireki ere antolatu dira, herritar guztientzat zabalik egongo direnak. Solasaldi horietan hitanoarekin lotutako hainbat gai jorratuko dira, besteak beste, hitanoa berreskuratzeko martxan dauden proiektuak, hikaren eta bereziki nokaren galeraren arrazoiak edota euskarazko lagunarteko erregistroa indartzearen beharra.

Ikastaroari amaiera emateko, parte-hartzaileek —ikastarokoek zein solasaldietakoek— kalean egingo den ekimen batean parte hartzeko aukera izango dute, hika modu naturalean praktikatzeko gune bat sortuz.

-(e)an bidalia

Hika ikastaroa antolatu du Lau Haizetara elkarteak

Hika ikastaroa antolatu du Lau Haizetara elkarteak

Noka eta toka egiten ikasteko 5 saio praktiko eta bi solasaldi izango ditu ikastaroak, apirilaren 30etik ekainaren 12ra bitartean. Saio guztiak ostegunetan izango dira, 18:00etatik 20:00etara.

Ikastaroa doan izango da, baina parte hartzeko nahitaezkoa da izena ematea. Apirilaren 16tik 28ra eman ahal izango da izena, formulario bat beteta. Informazio gehiago nahi duenak Lau Haizetara elkartera idatz dezake bulegoa@lauhaizetara.eus posta helbidera edo 613254904 telefonora deitu.

Ikastaroa Xenpelar AEK euskaltegian izango da. Bertako irakasle batek gidatuko ditu saioak eta hika ikasi edo praktikatzeko interesa duen edonorentzat dago irekita. Hori bai, plazak mugatuak dira.

Iaz, Euskalradia egin zenean, Errenteria-Oreretak “Euskaraldia Hika” ekimenean parte hartu zuen, eta herritar askok hika ikasi eta aritzeko interesa agertu zuten. Hala, ikasturte honetan, Hikalaguna talde bat sortu da herrian, eta ostegunero elkartzen dira Lau Haizetara elkartean hika egiteko.

Noiztik noiz arte: Apirilaren 30etik ekainaren 12ra

Noiz: Ostegunetan 18:00etatik 20:00tara

Non: Xenpelar AEK-n

Prezioa: Doan

Izena emateko azken eguna: Apirilak 28

Izena emateko: https://my.liberaforms.org/hika-ikastaroan-izena-emateko-formularioa

Informazio gehiago: bulegoa@lauhaizetara.eus 613 25 49 04

-(e)an bidalia

Errigora: udaberriko kanpaina

Dagoeneko aurtengo uzta prest dago, urte osorako Nafarroa hego eta erdialdeko produktuz beteta: oliba olioa, ardoa, arroza, pasta, kontserbak, lekalea eta fruitu lehorrak.

Sartu errigora.eus webgunean, egin eskaera eta adierazi produktuak Lau Haizetaren bidez jasotzeko (Merkatuzar). Eskatzeko epea otsailaren 26tik martxoaren 18ra bitartekoa da. Banaketa apirilaren 27tik aurrera egingo da; abisatuko dizugu.

Errigora ekimen herritarra da, Euskal Herria oinarri eta auzolana lanabes dituena, Nafarroan euskara ofiziala ez den eremuetan eragitea helburu duena. Horretarako, lurralde horietako elikagaiei Euskal Herri osoan zabaltzeko bidea ematen die. Errenteria/Oreretan Aukerak Sortzen ekimenaren eskutik bideratzen da.

-(e)an bidalia

Korrika Kulturala heldu da

Xenpelar AEK euskaltegiaren eskutik, gurekin izango da Korrika Kulturala. Bihar ostiralez, otsailak 27, Korrika kulturala aurkeztuko dute. Ekitaldia Gamon zumardian egingo da; bertan, Errigorari omenaldia egingo zaio eta Errigoraren produktuak dastatzeko aukera izango da, Kittu taldearen doinuaz lagunduta:

  • 18:45: Korrika Kulturalaren aurkezpen ekitaldia
  • 19:00: Errigoraren omenaldia
  • 19:20: Errigoraren produktuen dastaketa, Korrika tonbolaren begiradapean

-(e)an bidalia

Pizkunderako Autobusa

Abenduaren 27an milaka euskaltzale batuko ditu Kontseiluak euskararen etorkizunaren aldeko Pizkundea ekitaldian. Euskaltzaleok hitzordu garrantzitsua dugu: milaka buru eta bihotz taupa-taupa ariko gara Bilbao Arenan.

Horren harira, dei egiten dizugu Bilbora autobusez hurbiltzera. Gure herritik autobusez joan nahi baduzu, autobuserako izena, ondorengo lekuetan eman dezakezu: Lau Haizetara (613254904), Xenpelar AEK () eta Arkaitza taberna(). Autobusa Zumarditik abiatuko da goizean (10:30) eta arratsaldean (15:00). Txartela egunean bertan ordaindu beharko da, helduena 12 euroren truke eta haurrena 8.

Ekitaldiko sarrera erosteko, sartu hemen.