Bidalketak

-(e)an bidalia

Hikalaguna gaur hasiko da Oreretan!

Gaur 18:30ean hasiera emango zaio Hikalaguna egitasmoari. Lau Haizetaran elkartuko dira hika praktikatu nahi duten Oreretarrak. Urriak 2an hasita, hamabostean behin elkartuko dira hika praktikatzeko. Aipatu bezala hika praktikatu nahi duen oro, edota hika dakien edonor gonbidatua dago parte hartzera. Animatu!

Egitasmo hau, Euskaraldian euskaraldia hikak lortu zuen arrakastari erantzuteko sortu da. Ehundaka pertsonak hika berreskuratu edota entzuteko asmoa zeukaten, baina orain euskaralditik kanpo, hika modu eroso eta seguruan praktikatzeko aukera zabaldu nahi diegu Lau Haizetaran.

-(e)an bidalia

Mintzalagunaren ikasturte berria hasi da!

Urtero bezala, Mintzalagun egitasmoaren ikasturteari hasiera eman diogu. Zer da Mintzalaguna ordea? Ahozko euskara praktikatu nahi duen edonorrentzat gune eroso bat eskaintzen duen egitasmoa.

Egitasmo honetan parte hartzeko euskaraz mintzatzen jakin behar da, praktikatu ahal izateko jakina. Ekimen honetan lagundu nahi izanez gero, euskara jakitearekin ere nahikoa da, euskara praktikatu nahi duenari laguntzeko. Ekimena astean behin egiten da ordu betez.

Izena emateko, gure egoitzatik pasa astearte edota ostegunetan 18:00tatik 20:00etara, bestela deitu 613254904 telefonora edota bete hurrengo galdetegia: https://taupamugimendua.eus/mintzapraktika-izena-ematea/

-(e)an bidalia

Larunbatean amaiera eman genion Mintzalaguneko ikasturteari

Ikasturtea ongi amaitzeko, Oreretako Mintzalagun egitasmoko parte hartzaileek egunpasa ederraz gozatzeko aukera izan zuten. Egunpasa hau, eguerdiko 12etan hasi zen eta Orereta itsas herria bisita gidatua jaso zuten. Ordu beteko bisita gidatu honetan Oreretaren historia ezagutu zuten.

Bisita gidatuaren ostean Pontikako Mikel Tabernan bazkaria izan zuten. Giro paregabean eta euskaldun batean agurtu zuten ikasturtea.

-(e)an bidalia

Hizkuntza Harrerari buruzko Solasaldia

Gero eta jatorri desberdin gehiagoko bizilagunak izango gara gure herri eta auzoetan. Zer eginkizun jokatzen du euskarak haien harreran? Nola egingo dugu euskara etorri berrien ibilbidean egon dadin? Galdera horiei erantzuten saiatuko gara Lau Haizetarak antolatutako Harrera Linguistikoari buruzko Solasaldian. Zarauzko Udaleko Inmigrazio teknikari Julen Arangurenek zalantzak argitzen lagunduko digu. Gainera, gure herriko hizkuntza aniztasunaren mapari begirada bat emango diogu, eta euskara hurbil duten etorri berrien hitza entzungo dugu haien eskutik.

· Eguna: maiatzaren 29a, osteguna

· Ordua: 18:30

· Tokia: Lau Haizetararen egoitza | Joxepa Antoni Aranbarri anitzenea | 3. solairua

-(e)an bidalia

Larunbateko Kantunjira berezia

Larunbatean, Euskaraldia dela eta, Kantujiraren saio berezia egin zen. Egun hartako partaideek goian ikus daitekeen argazkia atera zuten. Saio berezia hasi baino lehen hainbat partaideek izena emateko aukera izan zuten eta beste hainbatek beraien txapak jaso zituzten.

Zorionez ekimena aurrera eramateko eguraldiak lagundu zuen. Horretaz gain hainbat herritako pertsonak ere bertaratu ziren ekimenean parte hartzera eta saio berezi honi bultzada ematera.

-(e)an bidalia

Kantujira berezia dator larunbat honetan!

Euskaraldia dela eta, biharko Kantujira zertxobait berezia izango da. Euskaraldia girotzeko, maiatzak 10ean egingo den Kantujira zertxobait berezia izango da. Ohi bezala Herriko Plazan hasiko da 12:00etan eta 13:00etan amaitu. Animatu eta bertaratu!

-(e)an bidalia

Herriko elkarteak Euskaraldia girotzen

Elkar mugituz egingo dugu dio aurtengo Euskaraldiaren lemak, eta Errenteria/Oreretan horrela egin dugu. Herri Batzordearen parte izan diren eta ez diren herriko hamarnaka eragilerekin lankidetzan ondu dugu aurtengo Euskaraldiko egitaraua.

Errenteria arigune da eta biztanleok eroso euskaraz bizi gaitezen lanean gabiltza herriko txoko eta eremu desberdinetan, bakoitza beretik, baina guztiok helburu berdin batekin: Errenteria/Oreretan ere euskaraz bizi gaitezen ahalbidetzea. Zentzu horretan, egitarau honek hamaika aukera eskaini nahi ditu, euskaraz bizi nahi duen ororentzat egokitu eta gazteenetik hasi eta helduenetaraino denok eduki dezaten Euskaraldiaz gozatzeko aukera.

Ahobizi edo belarriprest moduan izena ematearekin batera, hizkuntza etxean bereganatuta edo eskolan ikasita, norberaren ondoan daudenei euskaraz egingo diegu; edota, ulertzen badugu, gurekin euskaraz egitera gonbidatuko ditugu euskal hiztunak.

Gurekin bat egin eta euskara mugitzen lagunduko? Elkar mugituz egingo dugu!

-(e)an bidalia

Eraldatzen doa euskal hiztunon komunitatea

Badator Euskaraldia: datorren maiatzaren 15ean emango diogu hasiera.

Asko eta azkar eraldatzen ari da gure hizkuntza komunitatea. Horregatik, euskarazko ohitura berriak hartzera gonbidatzeko ariketa denez, Euskaraldian hiru hiztun mota aintzat hartu nahi izan dira: euskara etxean jaso duten hiztunak, eskolan euskara ikasi dutenak eta euskara urrun duten giroetan sortu diren euskal hiztunak.

Euskaraldiko dinamizatzaile Naroa Etxeberriaren begiradapean, elkarrizketa interesgarria egin die Garazi Belokiri, Aitor Majadari eta Fadoua El Machhour-ri Oreretako Diario Vascoren kronikak. Hurrenez hurren hiru hiztun mota horien erreferentzia dira, eta Euskaraldiaren hamaikako kideetako batzuk dira.

Irakurri hemen elkarrizketa.

Eman izena euskaraldian.

-(e)an bidalia

Bean-Art Tailerra – Familian Jolasean!

Hilabete honetako Familia Jolaseaneko ekintza berezia badator! Oraingoan Bean-Art tailerra izango da. Kartelean dioen bezala larunbat honetan izango da, apirilak 12an 16:30etatik 18:30etara. Jose Luis Caso Aretoan, Merkatuzar eraikinean egingo da. Adi ibili izena emateko azken eguna ostiralean izango da, apirilaren 11ean. Izen ematea hemen: https://gazteria.errenteria-udala.eus/ Animatu!

-(e)an bidalia

Ponpoi-panpinak familian egiteko aukera

Ohi bezala, hilabeteko azken larunbatean Familia Jolaseanen ekintza berezia egingo da. Hil honetako ekintza ponpoi-panpin tailerra izango da. Martxoak 29an, 16:30etatik 18:30etara, Jose Luis Caso aretoan edukiko dute aukera familiek.

Tailerrean parte hartu nahi izanez gero, gaur duzue azken eguna beraz azkar ibili. Izena emateko sartu ondorengo estekan: https://gazteria.errenteria-udala.eus/eu