Kategoria: Klasifikatu gabe

Lehen Joxepa Antoni Aranberri anitzeneako 3. solairuan izango zen, baina beroa dela eta, Reina Aretoan izango da. Sarrera irekia da eta edonor etor liteke. Animatu!

Atzo izan zen (H)ikastaroari amaiera emateko antolatutako lehen hika solasaldia. Maiatzean zehar egon ikastaroari amaiera emateko Idoia Etxeberria etorri zen gurera Hitanoa biziberritzeko esperientzei buruz hitz egitera.

Euskal Herri osoko esperientzietaz hitz egin zigun, eta horri esker datozen urtetarako hainbat ideia ere lortu genituen. Hurrengo solasaldia hurrengo ostegunean izango da Xenpelar etxean. Fernando Oiartzunek Nokaren galerari buruz hitz egingo digu arratsaldeko 18:00etan. Idoiaren solasaldiak bezalaxe sarrera irekia da.

Mila esker Idoia hitzaldiarengatik!

Lau Haizetaran herritarren antolaketa prozesu bat abiatu dugu. Ibilbide honen asmoa da gure herriko euskararen errealitatean eragitea, elkarlan irekia eta malgua eta herritarren hizkuntza aktibazioa bilatzen du. Euskara biziberritzeko proiektu multzo bati ekin nahi dio.

Euskararen egoerarekiko ardura minimoa duten eta inplikazio maila desberdina izan dezaketen herritarrak saretu, ahaldundu eta antolatu nahi ditugu.

Saioa Zabalak (ezkerreko lehena argazkian) Errenteriako prozesua dinamizatzen du, eta Egoitz Albizuk (ezkerro bigarrena argazkian) Oarsoaldeko prozesuak koordinatzen ditu.

Prozesu honek bi urte eta erdi iraungo du. Pasaian, Lezon eta Oiartzunen ere martxan dago, eta lau udalen eta Oarsoaldeko Garapen Agentziaren laguntza du.

Gero eta jatorri desberdin gehiagoko bizilagunak izango gara gure herri eta auzoetan. Zer eginkizun jokatzen du euskarak haien harreran? Nola egingo dugu euskara etorri berrien ibilbidean egon dadin? Galdera horiei erantzuten saiatuko gara Lau Haizetarak antolatutako Harrera Linguistikoari buruzko Solasaldian. Zarauzko Udaleko Inmigrazio teknikari Julen Arangurenek zalantzak argitzen lagunduko digu. Gainera, gure herriko hizkuntza aniztasunaren mapari begirada bat emango diogu, eta euskara hurbil duten etorri berrien hitza entzungo dugu haien eskutik.

· Eguna: maiatzaren 29a, osteguna

· Ordua: 18:30

· Tokia: Lau Haizetararen egoitza | Joxepa Antoni Aranbarri anitzenea | 3. solairua

Badator Euskaraldia: datorren maiatzaren 15ean emango diogu hasiera.

Asko eta azkar eraldatzen ari da gure hizkuntza komunitatea. Horregatik, euskarazko ohitura berriak hartzera gonbidatzeko ariketa denez, Euskaraldian hiru hiztun mota aintzat hartu nahi izan dira: euskara etxean jaso duten hiztunak, eskolan euskara ikasi dutenak eta euskara urrun duten giroetan sortu diren euskal hiztunak.

Euskaraldiko dinamizatzaile Naroa Etxeberriaren begiradapean, elkarrizketa interesgarria egin die Garazi Belokiri, Aitor Majadari eta Fadoua El Machhour-ri Oreretako Diario Vascoren kronikak. Hurrenez hurren hiru hiztun mota horien erreferentzia dira, eta Euskaraldiaren hamaikako kideetako batzuk dira.

Irakurri hemen elkarrizketa.

Eman izena euskaraldian.

Irakurketa Erraza ekimenaren bidez, irakurketa eta kultura hurbiltzen zaizkie irakurmena hobetu nahi dutenei. Hurrengo astean hasiko da. Animatu irakurketa erraza praktikatzera! Izena emateko, deitu Lau Haizetararen 613254904 telefonora.
#Errenteria #Orereta