Euskararen eguneko hamabostaldia dela eta, ostiral honetan, abenduaren 5ean, kantujira berezia egingo da. Xabier Olaskoaga plazatik abiatuko da arratsaldeko 17:30ean. Oraingoan, Herri Arte Eskolako dultzain eta trikitixa taldeekin batera ekingo diote herria kantuz betetzeari.
Parte hartzea guztiz dohakoa da. Parte hartu nahi duenak gerturatu besterik ez du egin behar, ostiral arratsalde giro on eta alaiean egoteko.
Datorren astelehenean, hilak 1, herritarren hizkuntz eskubideak auzitan hitzaldia izango da, Hizkuntz Eskubideen Behatokiak antolatuta. Izenak dioen bezala, herritarren hizkuntz eskubideei buruz arituko dira. Saioa Joxepa Antoni Aranbarri anitzenean izango da, Badalab plazan (3. solairua), 18:00etan.
Datorren ostegunean, hilak 27, hitzen sorrera tailerra izango da, Badalabek antolatuta. Falta zaizkigun hitzak eta doinuak sortzeko tailerra izango da. Dudan egon, dudan izan, trantsizioan egoten jakin, trantsizioa eragin.
Saioa Joxepa Antoni Aranbarri anitzenean izango da, Badalab plazan (3. solairua). Izena ematea garrantzitsua da: https://sarrerak.errenteria.eus/izen-emateak/larrututa-hitzen-sorrera
2025eko Oarsoarrak saria gure herriko Arkaitza tabernak jasoko du, bai eta Oiartzungo Biok janariak eta Gure Txoko jatetxeak ere.
Euskararen saria ematearen helburua da gure eskualdean euskarazko praktika onak egin dituzten pertsonak eta entitateak nabarmentzea, bai eta gure bailarako euskal hiztunen komunitatearen topagunea izatea. Bi urtean behin ematen du saria Oarsoaldeko Euskara Batzordeak.
Saria ostiral honetan, azaroak 28, emango da Merkatuzar aretoan, 19:00etan.
Euskararen Egunaren harira, hainbat ekitaldi antolatu dituzte herriko entitateek Udalarekin batera. Gaur asteazkenez Garikoitz Goikoetxeak eta Iñaki Iurrebasok idatzitako “Esnatu ala hil, liburuaz solasaldia izango da. Saioa Joxepa Antoni Aranbarri eraikinean izango da, 18.00etatik aurrera, Badalab Plazan (3. solairua).
Lau Haizetara Errenteria/Oreretan herritarren hizkuntza aktibaziorako proiektu batean aritzeko dinamizatzaile bila ari da.
Izan ere, Pasaia, Lezo eta Oiartzunen ere gauzatuko den proiektu zabalago batean parte hartuko dugu, bi urte eta erdiko esku hartze baten bidez Oarsoaldeko euskararen hizkuntza komunitatean eragiteko asmoz.
Interesa dutenek curriculuma bidali beharko dute bulegoa@lauhaizetara.eus helbidera azaroaren 23aren aurretik.
Hemen behean lan eskaintza, xehetasun gehiagorekin
Hasia da Errigoraren Eskutik Eskura kanpaina, Nafarroa hegoalde eta erdialdeko baratzeko produktuak Euskal Herriko plazara ekarri nahi dituena. Martxoaren 10etik 26ra oliba olio birjina estra eta nekazaritzako beste produktu batzuk erosi ahal izango dituzue ekoizlearen jatorrizko prezioan eta euskaraz etiketatuta.
Lau Haizetarak babestu egiten du Aukerak Sortzen ekimenak bideratutako elikadura burujabetza, hau da, Euskal Herrian kontsumitzen ditugun elikagaiak hemen ekoiztuak izateaz gain, elikagaien ziklo guztiaren gaineko (ekoizpena, banaketa eta kontsumoa) erabakimena ere herriaren eskuetan egotea. Horretarako, ekoizle nahiz kontsumitzaileen parte eta kontzientzia hartzea ezinbestekoak dira. Bide hori sustatuz, denon komunitate osoaren (ekoizle zein kontsumitzaileen) zaintza helburu nagusi bilakatzen da.
Oharra: “Lau Haizetara, Merkatuzarren” aukeratu behar duzu, bertan eskaera jasotzeko.
Aurkeztu da Euskaraldiaren 4. edizioa Errenteria/Oreretan: 11 eguneko ariketa soziala datorren maiatzaren 15ean hasi eta 25ean amaituko da. Aurtengo berritasunak ere aurkeztu dira; horien artean, aurten oreretarrek Euskaraldia Hikan parte hartzeko aukera izango dute.
Herritar ugarirekin batera, herriko entitate eta elkarteak batu dira aurkezpenera. Ekitaldia Julen Olaizolaren bertsoekin hasi da. Ondoren Naroa Iturrik eta Naroa Etxeberriak zuzendu dute ekitaldia. Aurtengo Hamaikakoa ere aurkeztu da, euskal hiztunen komunitatearen aniztasuna irudikatu duena: etxean euskara transmititu zaien hiztunak, euskara eskolan ikasi dutenak eta euskara urrun duten giza taldeetan sortutako euskaldunak. Herri Arte Eskolako dantzariek ere hartu dute parte. Dantzariek Hamaikakoari agurra dantzatu diete, eta ondoren giro paregabean hainbat mokaduz gozatu dute hurbildutakoek.
Norbanakoen izena ematea gaur zabaldu da. Nahiz eta beste urteetan izena eman, aurten berriro ere eman behar da. Parte hartu Euskaraldian!
Izena emateko: https://euskaraldia.eus/
Laburbira, euskarazko film laburren zirkuitu ibiltaria, martxoaren 7tik apirilaren 11a egingo da. Oreretan zehazki martxoaren 12an, asteazkenean, Niessen Aretoan izango da. Bi saio egingo dira, bata goizez eta beste arratsaldez. Goizeko saioa 9:30etan hasiko da eta 11:00etan amaituko da. Arratsaldekoa berriz, 18:00etan hasiko da eta 19:30ak aldera amaitu.
Hainbat film labur ikusteko aukera izango dugu, Ekain Martinezen Prosopagnosia, Sonia Estevezen Plazer bat, Eneko Sagardoyren Betiko Gaua, Ekain Irigoienen Europa, Pentsatzen Dut Karmele Mitxelenarena, Jone Arriolaren Hor Konpon, Nerea Ayalaren, Patricia Fañanásen David Modroñoren eta Iraia Yartoren Goodbye Kepler eta azkenik Utlandsk Alba Lozanorena.
Herri argazki jendetsua atera dugu azaroaren 4ko manifestaziorako deialdiari atxikimendua erakusteko. Oldarraldi judizialaren aurrean #euskararekinbat #A4denokbilbora #oreretaeuskaraz @kontseilua
@errenteriahitza – @ZarateIkerne
