Azken hilabeteotan hika ikastaroa antolatu dugu Lau Haizetaran Xenpelar AEK-ren laguntzaz. Ikastaroa amaitu, eta ondoren, hikari buruzko solasaldiak antolatu genituen, eta orain zikloa amaitzeko hika bertso poteoa antolatu dugu.
Bertso poteoan Oihana Iguaran eta Iñigo Manzizidor “Mantxi” bertsolariak izango ditugu. Bertso poteoa ekainaren 25ean izango da, 18:00etan Zumardian, eta ondoren herriko tabernetan zehar ibiliko da. Hika praktikatu nahi izanez gero, edota bertso saioaz gozatu nahi izanez gero, anima hadi!